Білім беру ұйымдарында қашықтықтан оқытуды өткізу кезеңіне «Адал Ұрпақ» еріктілер клубының құрастырған іс-шаралар жоспары бойынша, #NS_ADAL_URPAK хэштегімен, №61 орта мектеп ұйымдастырған «Асыл қасиет – адалдық» интернет-суреттер байқауына 1 Ә сынып оқушысы Құрбан Оразкүл қатысты. Ал №63 мектеп-гимназиясы ұйымдастырған  «Адал болу үшін адамға не істеу керек» видео-челленджіне  3 А сынып оқушысы Нұран Мереке бейнебаян түсірді.

 «Асыл қасиет – адалдық» интернет-суреттер байқауының мақсаты:

Адалдық - адам бойындағы таза ниет, бағалы қасиет, адамның сана-сезімі мен ар-ұжданына қайшы келмейтін әрекеттердің моральдық-этикалық жиынтығы. Адам бойына сіңірген тәрбиесіне, біліміне, адал еңбектенуге байланысты қалыптасады.

«Адал болу үшін адамға не істеу керек» видео-челленджінің мақсаты:  Адам болу үшін жай ғана адам болып туылу жеткіліксіз. Адамдарша әрекет жасау қажет. Абайша айтқанда «үш нәрсе адамның қасиеті: ыстық қайрат, нұрлы ақыл, жылы жүрек». Адам  боламын десеңіз ең алдымен адами қасиеттерге ұмтылу керек.

Абайдай данамыздың айтқан бес дұшпанымыздан қашық болып, бес асылға асық болайық!